Little league Aruba seleccion U8 ta rumbo pa Punta Cana

ORANJESTAD (AAN): Diaranson, november 4, 2026 peloteronan di Little league Aruba seleccion U8 ta

sali rumbo pa Punta Cana pa representa Aruba den e competencia internacional di Little League “Big Boys 2026” ayana Santo Domingo.

Aruba lo wordo representa pa peloteronan den e categoria U8 Little League Aruba cu a competi fuertemente durante e campeonato. E selección ta consisti di diferente ekipo di Central League incluso peloteronan di RedMachine, Sabana Grandi Jets, Grasshoppers y Rockets.

Despues di un campeonato di Little League bastante fuerte, unda cu hopi di e peloteronan a bataya contra otro, a subi vuelo hunto cu un solo meta pa representa Aruba.

E team di Aruba ta consisti di J’Veon Toppenberg, Ian Chirino, Dylan Fernandes, Nowi Ochoa, Xenon Croes, Zhyxion de Jongh, Bryson Marin, Brayden Briesen, Oliver Brete, Lyon Lopes y Jaylen Inacio.

E seleccion ta wordo maneha door di Manager Marwin Briesen (RedMachine) cu por cierto a gana campeonato di U8 invicto cu su ekipo durante campeonato diLittle League. Naturalmente e ekipo tin tremendo sosten y guia di staff incluso Coach Bryan Lopes (Grasshoppers), Coach Danny Fernandes (RedMachine) y Coach Beno Chirino (Grasshoppers).

Den nomber di peloteronan, nan ta kier a gradici e pueblo di Aruba cu a sostene e ekipo aki den gran forma. Alavez nos ta yama danki na e organisacion di Little League Aruba pa e guia durante e proceso di preparacion. E team ta cla pa bataya den grandi y sigura un tremendo papel. Nos isla chikito, pero cu nos muchanan cu curason grandi!