Lesnan a cuminsa back na Chaco Taekwondo Academy

ORANJESTAD (AAN): Despues di e dianan di fiesta, Chaco Taekwondo Academy bao guia di tur su Masternan a cuminsa back cu e lesnan di Taekwondo.

   Chaco Taekwondo Academy ta e scol den area di Noord di Taekwondo.

  Na aña 2023 Master Melvin Rasmijn, Master Yoshmar Wever y Master Miguel Genser a tuma e scol over y a pone hopi enfasis pa e sigui crece.

  Chaco Taekwondo Academy ta e unico scol di Taekwondo na Aruba den area di Noord cu tin mas faha preto. E atletanan cu ta train na Chaco Taekwondo Academy ta haya atencion directo y ta haci cu Chaco Taekwondo Academy tin e miho atletanan di Aruba.