Les a cuminsa bek na Brazil Taekwondo Stichting

ORANJESTAD (AAN): Diaranson atardi les di Taekwondo a cuminsa bek den e gymzaal di Tarcisius Kleuterschool situa na Mabon. 

Clifford Rasmijn a cuminsa cu 5 atleta nobo cu a bin pa cuminsa e reto di bira atleta prospecto den futuro y cu awo ta bay forma parti di e team di "Train Hard Fight Smart".

Rasmijn ta contento cu awo e ta bek y e biaha aki el a bin pa keda. Awo e ta bay traha ariba un team pa cuminsa prepara pa aña 2023. E ta haci un yamada na esnan cu kier train Taekwondo, cu Brazil Taekwondo Stichting su portanan a caba di habri bek despues di un vakantie chikito.