ORANJESTAD (AAN): E organizadornan a divulga recientemente, cu e evento di KLM Aruba Marathon di 42.2K, 21.1K, 10K, y 5K a haya certificacion internacional di World Athletics/Aims Certified den proximo 5 añanan.
Nan ta tambe un Boston Qualifier y un careda cualificador pa e Abbott WorldMarathon Majors (AWMM) Wanda Age Group World Rankings.
World Athletics AIMS su certificado nifica cu e pista a wordo midi profesionalmente, y cu e distancia ta exactamente manera el a wordo poni den certificado (den centimeter).
E Asociacion di International Marathons and Distance Races (AIMS) ta un asociacion di mas di 300 careda di maraton cu ainda ta tumando lugar na 95 pais.
Na Aruba, keto bay e Marathon su record ta di 2:48 marca pa Juan Valencia di Colombia. E Half Marathon su record ta 1:15 di John Poray di Merca. Na final tur hende lo haya un medaya, sigui pa un fiesta di celebracion cu famia y amigonan riba beach.
Registracion ta habri te ora cu yega e maximo di 2.500 participante. KLM Aruba Marathon lo ta dianan 3 y 4 di Juni 2023.
