ORANJESTAD (AAN) - Bubali, S.V. Bubali ta e team cu a baha hunga Division Uno Campeonato pasa cu varios obstaculo pero Directiva ta carga e responsablidad.
Despues di un aña trahando duro cu e Team Bubali bou maneho di DT. Gregory "Pipi" Tromp hunto cu su Staff ta trahando cu e muchanan den un bon direccion.
Despues di a start den un concepto nobo di Campeonato AVB 2022-2023. Nan a hunga e promer buelta y clasifica pa e playoff. Playoff ta consisti di Pool A y Pool B nan mester hunga 10 wega e equipo cu termina nan promer lugar ta subi automaticamente, Ta hunga un solo wega cu e team cu termina na promer lugar den Pool B pa saca e Campeon di Division Uno.
Na di segundo y tercer puesto ta bay hunga kruis final, di cual nan falta 3 fecha mas + 1 wega. Diadomingo awor 30 April na Compleho Deportivo Frans Figaroa (C.D.F.F.) S.V. Bubali ta bay enfrenta Caiquetio pa Fecha nr. 08. S.V. Caiquetio ta perde su invicto di Campeonato diamars ultimo contra di S.C. UNITED 0-2. S.V. Caiquetio tin 16 punto riba standing di AVB despues di 07 fecha hunga na segundo lugar. S.V. Bubali ta bin di un victoria riba Brazil Jrs. 1-0. S.V. Bubali tin 19 punto riba standing di AVB despues di 7 fecha hunga na promer lugar.
S.V. Bubali hunto cu nan sponsor nan hunto cu nan hungadornan y dirigente ta hasi un yamada grandi na fanaticonan di tur tempo pa yega C.D.F.F. Diadomingo awor. Wega ta start 8’or pm. y dialuna ta liber. Nan ta hasi un yamada na nan “Hulk Mania Hardcore”, e fanatico nr. 12 pa yega, tur nan categorianan, mayornan bin cu boso yui mucha bou di 12 aña uniforma ta drenta gratis.
Cu un victoria diadomingo awor pa S.V. Bubali nan ta hinca un pia paden y ta pa es motibo nan mester apoyo pa hasi e diferencia. Bubali ta visitor kiermen y fanaticonan ta sinta porta bandi zuid banda di Post Shaba.
