Josie Boekhoudt a bira campeon Inter Insular di ping pong

ORANJESTAD(AAN): Recientemente Josie Boekhoudt a viaha pa Corsow, unda cu el a representa Aruba den e campeonato Inter Insular di ping pong den categoria di damas.

Muchanan muher di tur edad den fin di siman a participa na e evento aki entre Aruba, Corsow y Boneiro y Josie na un tremendo manera a logra bin bek cas cu e medaya di oro, como cu el a gana e torneo pa bira campeon Inter Insular di ping pong.

Remarcable ta e talento di e hoben aki di apenas 16 aña, cu ta dedica hopi tempo na e deporte cu e ta stima.

DIARIO cu esaki tambe ta manda palabranan di pabien pa Josie y cu e por sigui ta exitoso den ping pong, teniendo Aruba su nomber den halto.