Joshua y Jourdé Klaber a gana Oro y Kianna Krosendijk a gana plata na Miami

Alegria den Taekwondo

ORANJESTAD (AAN): Bon noticia for di Miami!   E atleta Joshua Klaber a bringa den e categoria di adulto -58 kilo. Joshua Klaber a gana su prome pelea 2-0 contra di Gregory Jean-Baptiste di Merca.

   Den final Joshua Klaber a topa cu Rocky Negrete di Merca y Joshua Klaber a gana e pelea 2-0.

   Jourdé Klaber a gana su prome pelea door di un bye den e categoria di adulto -63 kilo. Jourdé Klaber a bringa den e categoria adulto -68 kilo contra di Jadon Avroya y a perde 2-0.

   Kianna Krosendijk a bringa den e categoria di cadet -55 kilo. Kianna Krosendijk a gana su prome pelea contra di Samantha Rothan di Merca. Den final Kianna Krosendijk a perde contra di Riley Otto.

   Riley Otto y su coach Roland Thomas for di Atlanta a confirma cu nan ta bay bin Aruba pa e campamento y campeonato. Esaki ta haci cu Kianna Krosendijk ta bay prepara pa e revancha aki na Aruba.

   Monica Pimentel ta contento cu e resultado di e team di Aruba cu a bringa den e Truescore Championship Series & International Open y ta mira un progreso den e atletanan.