Hugo Themen como referee internacional na Campeonato Panamericano na Bogota

ORANJESTAD (AAN) - For di  International Weightlifting Federation y Federacion Panamericano de Levantamiento de Pesas,

Aruba Amateur Weightlifting Association a ricibi un invitacion pa Sr. Hugo Themen participa como referee internacional na e Campeonato Panamericano de Mayores cu ta wordi teni for di 22 pa 30  di juli 2022 na e ciudad di Bogota, Colombia. En total a wordo invita 36 referee internacional di e continente Panamericano pa dirigi e competencia di weightlifting cu un participacion di mas cu 500 atleta. E evento aki ta clasificatorio pa e Weganan Panamericano cu lo tuma lugar na Chile den 2023. Hugo a participa tambe na e Congreso Panamericano cu a tuma lugar den hotel Wyndham na Bogota cu tema nan hopi interesante pa e deporte di pesas.