Hugo Themen a gana medaya di oro den Campeonato Pan Americano

ORANJESTAD (AAN): Hugo Themen ta gana medaya di oro den Campeonato Pan Americano Master-Sur Centroamericano y di Caribe

cu ta wordo teni den e ciudad di San Salvador, El Salvador, di 27 pa 31 mei 2026.

Den e campeonato aki tabata tin participacion di mas cu 240 atleta for di 22 pais  di continente Panamericano y Sur-Centroamericano y di Caribe.

Hugo cu a competi  cu 13 otro atletanan den diferente categoria y grupo di edad 65 pa 69 aña di edad. El a logra den su hisadanan den snatch 40kg y den clean & jerk 52kg pa un total di 92kg.

Cu e total aki Hugo ta gana medaya di oro pa Aruba den e campeonato.

Na final di e campeonato master Hugo Themen a ricibi un plakaat di reconocimento pa su trayectorio como deportista master di Aruba y dirigente riba nivel  nacional  y internacional  for di señor Dr. Pedro Ruales, presidente di federacion master di 'Levantamiento Olimpico de Pesas Sur- Centroamericana y del Caribe'.
Aruba Amateur Weightlifting Association kier a manda palabra di felicitacion pa Hugo Themen cu su medaya di oro.