Hugo Themen a fungi como referee den Campeonato Panamericano na Colombia

ORANJESTAD (AAN): For di  Federacion Panamericano de Levantamiento de Pesas,

Aruba Amateur Weghtlifting Association a ricibi un invitacion pa Sr. Hugo Themen asisiti como referee den e Campeonato Panamericano de Mayores cu a tuma lugar den e ciadad di Cali, Colombia for di 12 pa 18 juli 2025 cu a pasa.

   Na e  campeonato tabata tin un participacion di 33 Referee Internacional di International Weightlifting Federation. E Campeonato aki mes  a tuma lugar den Coliseo Minguel Calero.

   Aruba Amateur Weightlifting Association kier a gradici Federacion Panamericano de Levantamineto de Pesas pa e invitacion y un pabien na Sr. Hugo Themen cu asisiti como referee internacional den e Campeonato Panamericano de Mayores na Cali, Colombia.