Hugo Themen a fungi como hurado den Campeonato Mundial Hubenil na Colombia

ORANJESTAD (AAN): For di International Weightlifting Federation, Aruba Amateur Weightlifting Association a ricibi un invitacion pa Hugo Themen participa

como referee internacional den e Campeonato Mundial Juvenil de  Levantamiento de Pesas  cu a wordo tuma lugar na Cali, Colombia di 3 pa 11 juli 2026.

Den e Campeonato Mundial Juvenil tabata tin participacion di 38 referee internacional cu a  dirigi e magno evento aki. E Campeonato Mundial Juvenil  a tuma lugar den e famoso Coliseo El Pueblo na Cali, Colombia. 

Aruba Amateur Weightlifting Association ta manda palabra di gradicimento na International Weightlifting Federation pa e invitacion y un pabien na Hugo Themen cu a fungi como hurado.