Hotwheels Racing Team cu exitoso evento pa recauda fondo

ORANJESTAD (AAN): Hotwheels Racing Team, tene su fundraising diasabra, pa asina prepara pa e proximo careda di Drag.

   Nan a ofrece den oranan di anochi, un ‘Burger Platter’ suculento for di 6’or te cu 10’or di anochi.  El a bin acompaña cu batata hasa, y esaki a wordo bendi na Hadrei di Faust, cu ta keda net prome cu bo yega Palo Marga.

   Cada integrante di Hotwheels Racing Team a keda contento pa mira asina hopi hende contribuyendo, pa asina tur nan auto di careda ta completamente cla pa e competencianan di “Caribbean Shootout 2024: Mega Jet Car Invasion” cu lo ta dianan 3, 4, 5, y 6 di October 2024 riba pista di Palo Marga International Raceway Park.  E ekipo a bisa cu nan lo bay ta den gran forma den e caredanan aki durante fin di siman venidero.