Hopi hende ta enjoy cu e deporte di schaats

ORANJESTAD (AAN)- Diadomingo atardi por a mira un gran cantidad di hende riba e parkinglot di Ex La Linda den caya, pa asina nan demostra nan talento den skating.

  Segun Mirjam Jongbloets cu ta un di e organizadornan el a bisa cu el a bin cu e idea pa lanza un page riba social media pa wak si por tin hendenan interesa pa e deporte aki. Y nan prome meet up tabata luna pasa caminda un gran cantidad di persona a presenta.

  Esaki ta nan di 2 biaha cu nan ta teniendo un encuentro di skating y e ta spera cu pa e next encuentronan mas hende lo bin participa y asina por uni e comunidad den skating. Nan next encuentro lo ta Maart y lo ta atrobe riba un Diadomingo.

  Entre esnan Diadomingo ultimo por a mira Sr. Eduard Cheung cu tambe a bay disfruta di e dushi deporte aki y tambe mas caranan conoci cu a bay demostra nan talento.