Grupo di Aruba ta rumbo pa Colombia pa Campeonato di Karate

ORANJESTAD (AAN): Tin un delegacion di un scol di Karate na Aruba cu ta biahando pa Colombia pa participa den III Campeonato Nacional di Karate Do. 

Esaki lo ta for di Diaranson 23 di October te cu Diadomingo 27 di October.

   Di Aruba, Dojo Budokan dirigi door di Sensey Eduardo Macias ta biahando pa e Nacional di Karate na Buga, cu ta situa como 65 km panort di ciudad di Cali.

   E delegacion di Aruba ta bayendo cu Lya Lucio di 8 aña di edad, tambe Benneth Lucio di 10 aña, y Zayid Lucio di 17 aña di edad.

   DIARIO a compronde cu ainda Aruba Karate Bond no a duna nan un contesta pa drenta na e Bond.  Pero ta bayendo pa representa Aruba den exterior cu hopi animo y dedicacion.