Ganadornan di torneo di Jani Brokke Memorial organisa pa Fundacion Movemento ta Bida

ORANJESTAD (AAN): Diasabra ultimo a tuma lugar entregamento di premio den CB Dakota

na tur e ganadornan di e torneo di Jani Brokke Memorial organisa pa Fundacion Movemento ta Bida.

Un danki grandi ta bai e aña aki na Cede Aruba  y Lotto pa Deporte cu a sponser e evento aki hunto cu Fundacion Movemento ta Bida .

Tambe FMTB kier gradici tur e coordinadornan di e differente deportenan y tur cu a coopera pa nos por a ofrece nos 60 plusnan un torneo exitoso. Un danki special na CB Dakota cu nan tremendo servicio y espacio pa nos por tabata tin un anochi sumamente exitsoso.

E resultatdonan ta lo siguiente:

Den domino e aña aki den pool A a sali campeon Frank Hernandez/Eric Tromp y sub campeon Gilbert Leyba / Lis Henriquez.

Pool B campeon Glenda Hoftijzer/Johannes Eduardo y sub campeon Greg Gilbert /Enrique Arcaya.

Campeon supremo tabata GlendaHoftijzer/Johannes Eduardo. Den domino ta mira cu atrobe un dama a titula campeon.

Futbol di cana a worde organisa ariba e cancha di RCA na Solito y e resultado ta lo siguiente:

1. Team Jenny 2. Team Eric 3. Team Leo

 Volleybal:  Hearth Attack a titula campeon e aña aki mientras All stars a titula sub campeon.

Biljard e aña aki a bay tres siman largo y a tuma lugar den Fermins Bar na Noord.

1. Gino Geerman . 2. Junior Quandt

Bowiling tabata dividi den damas y caballeros.

Damas: 1. Marcia Koolman. 2. Aurita Lampe 3. Gladys Werleman

Highest game Damas:  Gladys Werleman 

Caballeros: 1. Ricardo Odor 2. Clyde Arends 3. Albertico de Palm

Highest game caballeros tabata tin un empate: Nelson Kelly y Dichi Angela

E aña aki canamento a tuma lugar den area di Franse Pas y e grupo a cana 5 km den ambiente hopi dushi den nos mondi di Aruba.

Den Softball 8 team a hunga y nos ta ripara cu mas hende 60 + kier ta ariba veld hungando Softball. E teamnan di softball a hunga un diadomingo y tur hende a pasa tremendo aunke cu solo tabata basta fuerte.

Tennis a tuma lugar ariba canchanan di Aruba Racquet Club durante un siman cu tur dia weganan a worde hunga estilo 80 plus dobbel. Tabata tin 2 nivel y e resultado ta:

Den Intermediate: Campeon Dinand Esschendal/Hans Mayr .

Subcampeon: Cor Suppers/Harold de Miranda

Den Advanced: Campeon Charles Latham/Ramphis Sofia

SubCampeon: Elbert Arends/Kenrick Wong

Diasabra anochi e banda Nos cu Nos a laga tur hende balia cu musica di halto nivel p’asina finalisa e Jani Brokke Memorial 2022 .