Franklin Lopes a gana Copa Himno y Bandera den masters di ping pong

ORANJESTADv(AAN): Diamars den Club Estrella na Santa Cruz a tuma lugar e Copa  Himno y Bandera di ping pong, den e categoria masters.

Tabata un tremendo bataya entre e fiel hungadornan di hopi aña y na final Franklin Lopes a bay final y a logra gana Alfred Leong.

Lopes pues a gana e medaya di oro, Leong a gana e medaya di plata, mientras cu Wing Chow Leong a termina na tercer lugar, pa asina bay cas cu e medaya di brons.

Den e dianan cu ta bin e diferente competencianan rond di Himno y Bandera lo sigui y den diferente categoria.