Final Torneo Himno y Bandera na Aruba Juniors *Homenahe na Alex Carti y Ancel Alleyne

Diaranson 18  di maart 2026

ORANJESTAD (AAN): Diaranson 18 di maart 2026 ta clasura e tradicional torneo Himno y Bandera organisa pa Aruba Juniors. Manera custumber, riba dia Himno y Bandera lo duna homenahe na dos deportista.

E aña aki lo premia Alex Carti di Aruba Juniors y Ancel Alleyne di Astros. E homenahe lo tuma luga 2or merdia. Diadomingo cu a pasa den un bon ambiente a tuma luga e semi-finalnan di e torneo. Den e prome wega di semi-final Surprise ta sorprende Slugers cu score di 4 pa 2. E di dos wega cu a bay entre Deco’s y Aruba Juniors a wordo gana pa Deco’s cu score di 4 pa 3. Otro resultadonan tabata Astros contra Tigers 5-1, Boomerang ta gana Jani’s 9 pa 5 y e ultimo wega den Liga 50 Aruba Juniors ta gana Old Timers 20-10.

Diaranson awo e dia ta cuminsa pa 9:30 AM cu e wega entre Boomerang y Tigers sigui pa 11: 00 AM cu e wega entre Astros y Jani's. Pa 12:30 PM lo tin e wega pa di 3 y 4 luga cu lo bay entre Sluggers y Aruba Juniors. E gran final di e torneo ta programa pa cuminsa 2:00 PM. E aña aki e wega final lo bay entre Surprise y Deco’s. Ta premira un tremendo final mirando cu ambos team ta representa pa varios hungado cu den pasado a representa seleccionnan di tanto Aruba como Antiyas Hulandes.

E ultimo wega di dia lo ta den Liga 50 unda cu Surprise topa cu Kimjen. For di mainta 9or e cushina, cu Irma Martina como Chef, lo ta full on cu cuminda di lama. Entre otro lo tin calco stoba, Bacalao y un bon sopi seafood. DJ Navio lo tey henter dia y pa 5or lo tin animacion di e popular banda Dushi Vibezz. Un invitacion cordial na tur fanatico y amigonan di Aruba Juniors pa bin pasa un rato agradabel na club.