Final Christmas Rapid dam y inscripcion pa Dam Hubenil 2021

ORANJESTAD (AAN) -  Dia 1 di December a tuma lugar e ultimo 2 ronda nan di e torneo Christmas Rapid 2021 caminda 8 hungador a cuminza cu e torneo aki.

Na promer lugar a termina Ricky Nisbet. Ricky a gana 4 wega y a tabla 3. Un score di 11 punto

Na segundo lugar a termina nos nestor di club señor Delbert Alexander. Delbert a gana 5 wega, pero a perde 2. Un score total di 10 punto.

Na tercer lugar a termina Rolin Croes cu un total di 9 punto. (4 gana, 2 perdi y 1 tabla).

Entregamento di e macuto di pasconan lo tuma lugar día 15 di December. 

Diadomingo día 12 di December lo tuma lugar e campeonato hubenil pa aña 2021.

E torneo aki lo wordo hunga den club na Nieuwstraat 11.

Lo tin 2 categoria cu nos hobennan por participa aden.

• Un categoría U-14 pa nos muchanan te cu 13 aña.
• Un categoría U-20 pa nos hobennan entre 14 y 19 aña.

E campeón den cada categoría lo ricibi un macuto di pasco + un trofeo.

E segundo y tercer lugar den cada categoría lo ricibi un trofeo.

E weganan ta start pa 2:00 di atardi y lo termina rond di 6:00pm.

Inscripcion ta gratis.