ORANJESTAD (AAN): Diaranson anochi durante e ceremonia di Turf Roll Ceremony,
a toca turno di President Gianni Infantino di FIFA pa haci entrega di un componente hopi importante.
Infantino a haci entrega na Randolph Laclé di AVB, simbolicamente un zapato color preto di hunga futbol, pa anuncia cu FIFA ta regala Aruba un total di 300 par di zapato di futbol. Esaki sigur ta pa hobennan cu ta den futbol na Aruba por tin e accesorio di mas importante pa practica y hunga weganan di futbol.
Riba e potret por mira momento cu ta haciendo entrega di e zapato simbolico na president di AVB.
