Federacion Gymnastico Arubano ta den necesidad di facilidad apropia cu piso corecto

ORANJESTAD (AAN): Recientemente Ministro di Deporte, Gerlien Croes a reuni cu Federacion Gymnastico Arubano (FGA) pa trata e reto y necesidadnan actual di gimnasia na Aruba.

   E gruponan aki a bira basta grandi, y awor mas cu nunca nan ta den necesidad di e.o. un facilidad apropia y un vloer nobo pa training y competencia.

   E tres clubnan aki, esta Avanse, Gihae y Perla Gymnastics, ta reuni mas cu 500 mucha cu ta representa futuro di e deporte.  Ministro a tuma nota di tur esaki pa hinca e peticion den su maneho.