Federacion di Ahedres di Aruba a participa na e '45th Chess Olympiad' na Budapest

ORANJESTAD (AAN): Manera ta conoci Federacion di Ahedres di Aruba a participa na e 45th Chess Olympiad na Budapest, Hungary.

Aruba women team lidera pa Annelaine Jacobs y Lourdes Moreno, como esnan di mas experiencia, conhuntamente cu talentonan hoben Thamara Sagastegui, Samantha Aponte y Sylvi Cabral, nan a logra 9 match points y 13.5 board points pa asina posiciona Aruba na lugar 132.

            Den Open Aruba a wordo representa door di e veteranonan Candidato Maestro Octavio Croes y

José Chelo Pesqueira, conhuntamente cu nos Fide Master Juan Pablo De Mey, tambe e dos talentonan hoben Ilya Stetsenko y Kyell Jean Antonio, cu a logra nan titulo di CM candidato maestro.

            Aruba open a cuminsa na di 152 lugar y a termina na di 129, cu 9 match points y 20.5 board points. Bon pa remarca cu den open Aruba a gana 3 match 4-0 pa prome biaha.

            Como parti di delegacion a bay tambe Captain trainer Lazaro Bueno y Carol Pesqueira-Williams como Captain y hefe di delegacion.

            Federacion kier a manda palabra di pabien na tur ganadornan. Tambe kier a duna un danki na tur cu a contribui pa Team Aruba por a yega un otro Olimpiada.