Famoso futbolista Rafael a entrega tur medaya y recuerdonan pa archivo di RCA

Comision Rafael Vanegas awemerdia cu Futbol y Festival di Cuminda

ORANJESTAD (AAN): Rafael Vanegas, mihor conoci como ‘Rafa’, awor ta bandona e team cu el a keda fiel na dje, tanto como hungador valioso, y despues como coach di mucha- y hobennan.  E ta bisando ayo na RCA, y ta bay residencia na Hulanda.

  Y prome cu esey socede, awe Diasabra lo tin un actividad deportivo mainta na RCA Arena na Solito, sigui cu un Festival di Cuminda, organiza pa Comision Rafael Vanegas cu ta pa yuda recauda fondo pa Rafa.

  Den su historia di 36 aña militando cu RCA, el a sa di anota cantidad grandi di goal y a planta respet cu e uniform #9 y a keda fiel tambe na RCA.

   DIARIO tabata presente Diabierna anochi na RCA Arena ora cu el a entrega na Directiva di RCA, tur su logro cu el a haya pa su bida, trofeo, plaquette, e lo bay entrega nan tur na RCA pa keda cu nan como recuerdo