Excelente competencia organisa pa Aruba Triathlon Association

Minister di Deporte: --- ORANJESTAD (AAN): Diasabra mainta pa 6.45am a inicia e tremendo competencia di Kids of Steel organisa pa Aruba Triathlon Association. Categoria Mini Kids y Kids of Steel.

 Un cantidad basta grandi di hoben atletanan entre 5-12 aña acompaña pa nan mayornan tabata presente  for di oranan di marduga.

            Minister Endy Croes a hiba un speech cortico na inicio deseando tur nos atletanan hoben y futuronan di mañan hopi exito. Deporte ta e vehiculo pa crea un mihor sociedad y sigur ta inculca e disciplina necesario den nos atletanan. Un total di tres disciplina den un solo competencia esta landa, core bais y core na pia.

            Tabata tin oportunidad pa competi den forma di relay tambe. Na final di e careda e muchanan a ricibi un “goodie bag” den combinacion cu medaya pa esnan cu a cay den premiacion.

            Minister di Enseñansa y Deporte kier felicita Aruba Triathlon Association, boluntarionan, mayornan y tur esnan cu di un of otro forma a duna nan contribucion pa hasi esaki posibel.