Esnan di badminton a sigui cu exito e programa di ‘Shuttle Time’

ORANJESTAD (AAN): Recientemente Aruba Badminton Federation a organiza un curso pa sina duna les di badminton specialmente pa mucha di scol.

   Ta trata aki di e programa Shuttle Time cu tin como meta pa ekipa docentenan, entrenadornan y tur esnan cu ta intersa den duna les di badminton pa por haci esaki di un forma placentero cu un enfoque riba muchanan di scol. Hunto cu e curso di Shuttle Time trainers, tambe tabata tin un curso pa tutos. Tutors ta persona nan cu ta qualifica pa duna e curso di Shuttle Time. Cu un total di 4 persona cu awe ta certifica pa duna Shuttle Time na otro trainers.

   E curso a worde duna door di Sr. Richard Wong (di Jamaica) cu ta un entrenador certifica pa World Badminton Federation. Y un total di 22 persona a participa na e curso aki di diferente sector, Ibisa, Gymleraar y otro nan cu tabata tin interes pa sinja. E curso tabata un success total y tabata consisti di theoria y practica. E cursante nan a gosa hopi y mas importante a sinja con pa train mucha pa cuminsa pratica e deporte di badminton.

   Un danki especial ta bay na IBiSA cu a yuda cu e facilidad pa e parti di theoria di e curso aki.

   Aruba awo ta conta cu 4 Shuttle time instructor y 18 persona certifica cu por duna basic badminton training na scolnan rond di Aruba. Un danki ta bay na Badminton World Federation, Pan American Badminton Federation pa crea un hopi bon Shuttle Time school badminton program.