Entrenador Olimpico di Gymnasia ta na Aruba pa 'training camp' cu Federacion Gymnastico Arubano

ORANJESTAD (AAN): Miembronan di Comite Olimpico Arubano, bou liderazgo di Nicole Hoevertsz,

a participa den un importante training camp di Federacion Gymnastico Arubano (FGA) cu a conta cu e bishita di un entrenador internacional for di Merca, Yin Alvarez.

            E entrenador di descendencia Cubano, kende a logra exito internacional como atleta, ta un miembro esencial di e ekipo di Merca como entrenador. Su trayectoria ta impresionante, incluyendo un medaya di bronze na London 2012 cu su atleta y yiu Danell Leyva.

            Durante e training camp, Entrenador Alvarez a guia atletanan for di diferente club y seleccion di Aruba pa un periodo di 4 dia. Hunto cu e entrenadornan di seleccion di FGA, nan a cubri tur aspecto importante di gymnasia cu nos atletanan local.