Elvis Chavez di Truescore a scoge e miho bringadonan di Ultimate Taekwondo Cup

ORANJESTAD (AAN):  Elvis Chavez di Truescore a scoge e miho bringadonan di Ultimate Taekwondo Cup na base di nan corage.

Elvis Chavez tabata tin dos funcion den Ultimate Taekwondo Cup. Elvis Chavez mester a controla e sistema electronico di Truescore cu ta marca punto y mester a scoge e miho bringadonan. Un tarea dificil, pasobra tabata tin hopi bon bringado. Na final di dia Elvis Chavez tabata tin e lista cla pa anuncia. 

            Elvis Chavez a scoge Aidan Klaber den categoria Infantil, Jeroan Nicholson den categoria Cadet, Sharik Villamarin den categoria Junior y Leonardo Phillips den categoria Adulto. Sue Lan Liao Jen di Banco di Caribe a entrega tur e premionan na e atletanan y a felicita cada un cu nan logro.

            Clifford Rasmijn Presidente di Brazil Taekwondo Stichting a garantisa cu despues di Diasabra Aruba ta bay wak e miho bringadonan dia 7 di October den Best of the Best Truescore 2023 Aruba.