ORANJESTAD (AAN): Diadomingo e cuater finalistanan di e torneo Himno y Bandera organisa pa Aruba Juniors a bira conoci.
Den e prome wega Juan Robles di Jani’s a domina e fuerte equipo di Surprise pa 4 inning. Lamentablemente nan no por wanta e score di 2-0. Den di 5 y 6 inning Surprise ta score cinco biaha pa gana e wega 5 pa 2. E di dos wega tabata hopi interesante cu a bay entre Astros y Boomerang.
E wega aki tabata pa dicidi si tur dos team lo clasifica. Den un wega bon bataya Astros ta gana Boomerang cu score di 4 pa 2 y cu e resultado aki Astros ta clasifica na prome luga. Mirando cu Boomerang a haya 4 careda contra ta pone c unan a cay cortico pa clasifica como e miho di dos luga. Den e di tres wega Aruba Juniors ta sorprende Glover 4 pa 3. Cu e score aki Glover tambe ta clasifica hunto cu Aruba Juniors.
E ultimo wega Tigers ta dal Bambino 9 pa 3. Glovers, Astros, Surprise y Aruba Juniors ta e cuater teamnan cu lo hunga e finalnan diasabra 18 y diadomingo 19 di maart 2023.
Bonaire Star y Los Amigos di Corsou tambe lo participa den e finalnan. Diasabra 18 di maart 2023 lo tin e tradicional ceremonia unda cu lo reconoce dos baluarte di softball.
https://diario.aw/categories/noticia/deporte/e-cuater-finalistanan-di-e-torneo-himno-y-bandera-organisa-pa-aruba-juniors-a-bira-conoci#sigProId7dd9a82416