Dos sensei di Aruba a haci bishita importante na evento di Karate na Colombia

ORANJESTAD (AAN): Recientemente den e siman di 28 di Februari te cu 3 di Maart, e conocido trainer (‘sensei’) di Karate,

esta sensei Eduardo A. Macias a bay presenta su licencia di huez di Karate na Colombia.

   Esaki tabata un actividad di competencia, cu hopi participante den diferente categoria.

   Tambe tabatin sensei Guido (original di Costa Rica), kende ta un figura maximo den World Karate Federation (WKF), y a duna e curso di coach y juez y referee hunto cu sensei Jhon (Colombia).

   Tur dos sensei aki reconoci mundialmente, a observa nan trabao riba e Tatami (mat) durante 5 dia, y a logra haya e reconocimento di Hues Nacional.

   Sensei Eduardo Macias C a biaha Colombia pa obtene  e titulo Nacional na Colombia.  Sensei Guido a duna e curso na Colombia.  Tur e  gastonan di e Campeonato y curso a sali di su esfuerzonan.