ORANJESTAD AAN): TT Sport Lounge e palacio di billiard situa na Tanki Leendert, lo ta sede di un grandioso evento di 9-ball 13 y 14 januari venidero.
Diasabra lo tira lot y torneo ta start pa 4or di atardi. Pizza Hut Aruba cu semper ta sostene deporte, e biaha aki ta patrocinando dos grandioso premio. E torneo lo ta uno abierto y no mester paga inscripcion, simplemente mester por realisa e viahe pa e torneo internacional na Curaçao 1-3 maart 2024 pa representa Aruba.
E finalistanan na Aruba ta garantisa di Pasashi y Inscripcion, e Campeon na Aruba lo haya tambe su hotel completamente gratis. Dutch Caribbean mes cu e aña aki a verhuis pa Curadise, ya caba tin confirma un totaal di 70 hungador di Aruba, Bonaire, Curaçao, Sint Maarten, Guyana, Trinidad y Hulanda.
Fanaticada di billiard ta invita pa yega TT e weekend aki y disfruta di e nivel mas halto di billiard na Aruba. Pa registra, tuma contacto cu Jason Kock na T&T Billiards y pone bo nomber.
