Dos coach di Taekwondo Team Aruba a topa hopi personahe importante den exterior

ORANJESTAD (AAN): E dos coachnan, Clifford Rasmijn y Yoshmar Wever di Taekwondo Team Aruba

a topa cu varios personahe importante durante nan recien viahe pa exterior pa participa na competencia cu nan alumonan.

   Na e evento di Truescore International Open & National Team Trial na Miami tabata tin varios personahe importante, manera Grand Master Hong Kim y dos referee Olimpico di Puerto Rico Neydis Tavarez y Axel Sanchez. 

   Axel Sanchez ta Director di Arbitro di "PATU" Pan-American Taekwondo Union.Clifford Rasmijn y Yoshmar Wever  a topa cu Elvin O Landau Ramos Vice Presidente di Caribe di PATU. E dos refereenan Internacional cu tabata na  Aruba pa para referee den Cas Bon Taekwondo Cup y Aracary Taekwondo Cup Josh Kalish y Makesha Yarbrough tambe tabata presente.

  Truescore International Open & National Team Trial na Miami tabata un evento di nivel den tur sentido pa nos atletanan di Aruba. Nan ta super contento cu nan resultado, mirando cu nan ta progresa dia pa dia hunto cu nan dos coachnan Master Clifford Rasmijn y Master Yoshmar Wever.