Dojo Budokan  a logra conkista 10 medaya di oro na Colombia

ORANJESTAD (AAN):  Dojo Budokan  a logra conkista 10 medaya di oro,  4 medaya di  plata y 6 di brons, como tambe a keda na di tres lugar en general den e competencia na Barranquilla, Colombia .

 Dojo Budokan ta bao di cargo di Sensey Eduardo Macias y nan a train hunto cu Sensey George Carraha na Aruba. E team tambe a haya hopi  tips di Sensey Daniel Huerfano.

E dojo tambe a organisa un seminario con Sensey Daniel, entre 6 pa 11 di October, pa asina sigui hisa e nivel di nos muchanan pa representa nos Isla di un forma fantastico.

Muchanan cu a logra medaya di oro den Kata y Kumite:  Lya Lucio, 2 medaya di oro; Ruben Calderon 2 di oro; Bennett Lucio 1 di oro; Jusli Forero 1 di oro; Gabriela  Garcia2 di Oro; Zac Zeng 1 di Oro.

Lya Benneth y Jusly a gana oro den Kata team.

Muchanan cu a logra medaya di plata: Sofia Calderon 1 medaya di plata; Bryan Maduro 1 di plata; Zayid Lucio 1 di plata;  Aldrich  Montenegro 1 di plata.

E ganadornan di medaya di brons ta: Madison Williams (1); Sofia Calderon (1); Aaron Jimenez (2); Leandro Calderon (1).

Kata team forma pa Zayid Bryan y Zac a gana 1 medaya di brons.

Dojo Budokan kier a gradici esnan cu a colabora cu nan recaudacion di fondonan y pabien na e muchanan pa nan tremendo logro.