Diadomingo lo cuminza prepara pa Caribbean Scotch Doubles

Deporte di Billiard

ORANJESTAD (AAN): E hungadornan local ta den preparashon pa e "Caribbean Scotch Doubles".

   Diadomingo awo pa 2’or di atardi, ocho hungador lo bataya cu otro den formato di round robin, unda dos di cada poule lo pasa pa semi-final. E "field" ta consisti di nada menos cu Jorzihno Everon, Jorge Petrocci, Elvis Evertsz, Roukos Tanoury, Armand Ridderstap, Maikel Maduro, Didi Odor y Ditto Acosta.

   Cu e torneo aki hungadornan local ta haciendo nan preparashon pa defende bandera di Aruba dianan 6 pa 9 di Oktober na Curaçao. Un torneo internacional pa pareha, cu participashon di 60 hungador formando 30 ekipo di entre otro Trinidad & Tobago, Bonaire, Curaçao y Aruba.

   E establecimento di TT Billiards ta invita e fanaticada di billiard diadomingo awo pa bin disfruta di bon weganan di bola-9 den e paraiso di billiard na Tanki Leendert.