Diadomingo awor tin semi final di torneo Himno y Bandera di softball 60+

ORANJESTAD (AAN)- Durante e ultimo 3 weekend nan 8 team di 60+ a bataya den dos poule den e torneo di softball Himno y Bandera organisa pa Aruba Jrs. Varios ex pelotero,

un tempo astro den nos mundo di baseball y/of softball a bataya fuerte y cu a culmina diadomingo cu a pasa den e clasificacion y asina pasa pa e semi final diadomingo awor Maart 13 y e gran final Diabierna Maart 18. Pa diadomingo awor e dos team nan invicto den nan poule esta Tigers y Glovers lo enfrenta respectivamente Astros y Boomerang. E promer semi final lo inicia 9.30 y e segundo semi final 11.00.

Despues tin wega nan amistoso entre e otro equipo nan di Liga 60+ cu no a clasifica esta Bambinos contra Surprise pa 12.30 y pa 14.00 Janni's contra Aruba Jrs. Bin gosa di bon ambiente na Aruba Jrs y apoya nos veterano nan cu un tempo tabata baluarte den nan deporte y cu a competi den nivel nan halto den nan juventud.