Dia 16 lo start e prome torneo abierto di dam

ORANJESTAD (AAN) - Diaranson a tuma lugar e promer actividad di dam den aña 2021.

Esaki tawata un simultaan duna door di e nos campeon di dam di aña pasa Rolin Croes.

Rolin a enfrenta 9 hungador cu a presenta e anochi ey.

Rolin a logra di gana 4 wega, tabla 2 y perde 3. Un score di  55.6 porciento.

Tawata presente na e promer evento di dam pa aña 2021, un representante di Lotto y un representante di ASU.

Otro siman día 16 di Juni, club di dam Arowak ta continua cu su actividadnan cu e promer torneo di aña. Esaki ta e campeonato abierto di Aruba.

Tur hungador di dam ta bonbini.

Formato di wega lo ta Round Robin, unda tur hungador lo topa otro un biaha. Duracion lo ta 1 ora pa banda cu un incremento di 30 seconde despues di cada hugada.