Devon Hoge a duna seminario pa referee na Suriname

ORANJESTAD(AAN): Recientemente Devon Hoge a duna un seminario na Suriname, despues di cual el a wordo invita pa pasa un rato ameno na un dojo di Benito Lagar,

kende ta e representante di Suriname pa e organizacion di Muay Thai di Caribe.

Hoge a wordo invita pa duna e seminario relaciona cu e reglanan di W.M.F, mirando cu e ta e unico referee reconoci pa e Conseho Mundial di Deporte Muay Thai den region di Caribe.

Hoge ta bay sigui haci e trabaonan necesario na e islanan di Caribe, pa asina tur por traha riba e mesun linea y percura pa e nivel di e deporte sigui crece.

E referee, kende ta sigui saca cara pa Aruba, a keda satisfecho cu e nivel di e refereenan na cual el a duna e seminario y nan capacidad pa compronde e cambionan.

El a indica cu e ta spera cu lo tin mas di e tipo di seminarionan aki den nos region.