Despues di 2 Aña Aruba Beach Tennis Open tey bek

ORANJESTAD(AAN): Diadomingo 13 di November, e torneo mas grandi, mas popular, y premia como e number 1 di mundo, esta Aruba Open Beach Tennis 2022 a cuminsa.

Despues di 2 aña di ausencia, debi na e pandemia, e organisacion a bolbe tuma e encargo pa organiza e torneo aki.

Den un entrevista organizador y promotor di e evento Sjoerd de Vries a bisa cu no tabata facil pa logra tur cos na prome instancia, pero na final tur cos a bay manera cu e mester a bay.

“E torneo lo bolbe tuma lugar na Bushiri Beach, cu espacio amplio pa parkeer”. Mas di 1200 participante, di 40 diferente pais, lo ta batayando pa gana premionan na un balor total di $60,000.00, segun de Vries.

 E programa ta como lo siguiente:

Diadomingo 13 November – Apertura oficial, weganan di exhibicion y musica di Honey Pot

Dialuna 14 November – Pro Mix Double, Amateur Mixed Doubles Tournament y pa 9PM musica di DJ Aguilar

Diamars 15 november – Pro Singles, Amateur & Singles Tournament, Amateur Mixed Doubles Finals, Pro Mixed Doubles finals y pa 9PM musica di Alain Rockney

Diaranzon 16 November – Pro Singles Finals, Amateur Singles Finals, Master Doubles Tourmanent, Junior Tournament Group Play y pa 9PM musica di DJ Solar Plexus

Diahuebs 17 November – Pro Men’s & Women’s Doubles QF, Pro & Amateur Team Cup Tournament, Junior Tournament Finals, Nations Cup y pa 9PM musica di Souna

Diabierna 18 November – Pro Men’s & Women’s Doubles R32, Amateur Men’s & Women’s Doubles y pa 10PM musica di Ataniro

Diasabra 19 November – Pro Men’s & Women’s Doubles R16-QF, Amateur Men’s & Women’s Doubles, Pro Doubles Consolation y pa 10PM musica di DJ Yeimy

Diadomingo 20 November - Amateur Men’s & Women’s Doubles Finals, Pro Doubles Consolation Finals, Pro Men’s & Women’s Doubles Finals y pa cera e evento, DJ Nutzbeatz pa 10PM

Weganan ta cuminsa tur dia pa 9or di mainta y ta calcula pa termina alrededor di 9 di anochi.

“Nos no por keda sin menciona cu nos lo tin bar y cushina bon surti”. Banda di esakinan tambe lo tin diferente pop up stores y tambe nos lo tin daily happy hours.

Pa esnan cu a presencia e evento aki den pasado, sa cu e evento aki ta un espectaculo riba su mes. Nos ta warda boso na Bushiri, de Vries a sigui bisa.