Deaxo Croes cu otro training exitoso teni na Aruba

ORANJESTAD (AAN): Diadomingo cu a pasa, a ser teni un training di open water, den preparacion pa e hazaña di e atleta local Deaxo Croes. 

Su hazaña di landa di Bonaire pa Curaçao riba 19 di November, ta halando atencion regional.

   Claro cu Deaxo lo worde acompaña aparte di su team, tambe e dos hoben nan Luismario Arends y Bobby Gibson, kendenan ya caba a acompañe durante su hazaña di punta pa punta na Aruba.

   Riba e potret por mira e hoben Luismario Arends, kende a landa Diadomingo 12 kilometer den un solo landa, cu un tempo di 3 ora y 6 minuut. Riba e potret Luismario ta hunto cu Ramso cu ta un atleta di Aruba Dolphins, kende tabata cabez cabez cu Luismario y nan tabata e prome nan cu a yega Varadero. E distancia tabata 13 kilomenter manera ya DIARIO a menciona y a cuminsa na Zeewijk, pa termina na Varadero.

   Durante di e training aki, Deaxo tambe a participa, adhunto cu Roly Bislick kende tambe a landa Diadomingo.