ORANJESTAD (AAN): Riba Dia di Rey, Minister Endy Croes a atende e prome edicion di e torneo di futbol, Xavier King's Day Youth Soccer Cup 2024 organiza pa Xavier University School of Medicine.
Un total di diesun club di futbol a participa den categoria U7 y U9. E partidonan di futbol a inicia for di oranan tempran di mainta. Esnan presente sigur a disfruta di un dia yena di bon wega di futbol y diferente actividad, manera dino jump.
Minister Endy Croes tabata presente pa duna sosten y apoyo na nos futbolistanan, alavez a haci entrega di e trofeo na e ekipo di Dakota cu a sali ganado den e categoria di U7.
E ekipo di Nacional a conkista e titulo di campeon den categoria U9. Pa conclui, Minister Endy Croes ta felicita y gradici Xavier University School of Medicine y tur esnan cu a haci e torneo aki posibel y exitoso.
Un bunita torneo dedica nan nos hobennan y bon organiza. E mandatario di Deporte ta felicita tur e ekiponan cu a participa y e ganadonan di e prome torneo di Xavier King's Day Youth Soccer Cup 2024.
https://diario.aw/categories/noticia/deporte/dakota-a-titula-campeon-di-prome-torneo-di-xavier-king-s-day-youth-soccer-cup#sigProId6a7c23b87e
