SANTO DOMINGO: E Asamblea di e Confederacion de Beisbol Profesional del Caribe, a acepta Diabierna e presencia di Cuba y Curaçao den e di edicion 65 di e Serie del Caribe venidero, cual competencianan lo ta na Februari 2023 na Caracas, Venezuela.
E informacion a wordo duna pa Juan Francisco Puello Herrera, kende ta Comisario di Beisbol Profesional del Caribe durante un conferencia di prensa na Republica Dominicana.
Den e reunion a wordo invita e presidentenan di e Liganan Invernal, miembronan di e Comision Organizador, como tambe e paisnan cu lo paticipa den e Serie del Caribe Caracas 2023, Panama, Colombia, Cuba, y Curaçao, ademas di e Confederacion di Peloteronan Profesional di Caribe, entre otro.
Segun Puello Herrera, e invitacion pa e dos teamnan di Cuba y Curaçao a bin for di e Comision organizador di e Serie di Caribe venidero, pasobra e edicion special 65 di e Serie del Caribe lo bay wordo hunga cu ocho team, cu ta algo cu lo socede pa prome biaha, y esey ta un logro cualitativo y cuantitativo, na fabor di e fanaticada di Baseball di Caribe.
E weganan mes lo ta den dos Stadion na Caracas, y na Venezuela ya ta trahando duro pa logra pa esaki ta un exito. A ser mustra cu Venezuela ya tin hopi experiencia pa prepara e tipo di evento asina.
E Presidente di Federacion Cubana de Beisbol, esta Juan Reynaldo Perez Pardo, y e representante di Curaçao, Jedrek Magdalena, a gradici e Liga Venezolana di Baseball Profesional pa e invitacion, como tambe henter e Confederacion de Beisbol Profesional del Caribe, pa e aceptacion cu nan a duna pa participa den Serie del Caribe di 2023.
