Cu tremendo pitcheo di LeeAngelo y e bataso clave di Urmain

South League campeon Junior League 2022

ORANJESTAD (AAN) -- Dialuna atardi a tuma lugar e di tres partido di playoff di e serie mihor di cinco.

Caminda South League a gana e prome dos wega cu di 10 pa 0 y e di dos wega a 5 pa 1.

Dialuna den un wega hopi emocionante y yen di tension bon balansa y e wega ariba su mes a jega 5 inning na cero careda. Loke por remarca ta cu North League tres biaha a yena base hasta un biaha sin out y no por a anota careda.

Den bom di 5 inning South League a score tres careda caminda e bateador emergente Jeanarden Bartholomeo a conecta doblete Felix Rivas a ricibi base por bola y cu dos coredor na base Urmain Dinzey ta conecta doblete empuhador di dos careda cu ta pica y extende te den profundo di outfield.

Cu passball Urmain ta avansa pa tercera y cu fly di sacrificio Urmain ta anota e di tres careda cu a duna un trankilidad na e tremendo pitcheo di LeeAngelo"boychito"Quandt cu a pitcha seis inning y un tercio.

Despues di a completa su pitcheo reglamentario North League ta corta ventaha cu un careda den di seis inning y asina e wega termina cu score di 3 pa 1 y South League a titula campeon di Junior League categoria 13/14 y hanja e derecho pa representa Aruba na Latino Americano na Puerto Rico pabien South League exito na Puerto Rico.