Cu fenomenal Bike Ride a observa prome aniversario di Gonz Riders

ORANJESTAD (AAN): Recientemente e grupo local di Bikers, esta ‘Gonz Riders Aruba’,

a tene un Bike Ride habri pa tur hende, gratis, pa asina celebra nan prome aniversario di existencia.

   President di e grupo, e dama simpatica Maga, a splica cu nan ta contento cu e enorme sosten ricibi den e 365 dianan cu a pasa.  Manera ta conoci, e team nobo di Bike aki a tuma nan nomber for di e bunita nomber di e parha local di Gonzalito.

   Unavez cu nan a keda estableci dia 2 Maart 2023, rapidamente nan a cuminza haya mas miembro y asina crece den forma satisfactorio.  Y pa observa e fecha special aki, Gonz Riders Aruba a organiza un Bike Ride.  Esaki a tuma lugar recien, y e salida tabata for di “Fransjes Bar”, cu ta situa na segundo piso di Olde Molen pa 7:30 pm.  E ruta a hiba nan na e prome parada cu ta ‘Ban Dal Dos’ na Meiveld.  Despues a bolbe core y e final di e Bike Ride tabata na Bushiri Karting, unda tabatin animacion di DJ Jeff y e grupo Honey Pot.

   E anochi aki, Bushiri Karting a eligi nan “Reina Biker 2024” cu a wordo instala y ricibi su corona tambe.