Algo historico
- Jamaica a dal bala 3 biaha den tubo di gol
KINGSTON: Apesar di e hecho cu e wega entre Corsou y Jamaica pa clasificacion pa Copa Mundial di 2026 no tabata tin gol, e tabata un wega hopi emocionante sigur pa e fanaticonan di ambos ekipo.
Corsou tabata tin mester di djis un empate pa clasifica pa e Mundial, mientras cu Jamaica si tabata mester di un victoria.
E seleccion di Corsou a bataya y a wanta duro y na final a logra un empate di 0-0, cu ta pone cu e ta bira e pais mas chikito den historia pa clasifica pa un Copa Mundial di futbol.
Mester bisa cu Jamaica tres biaha tabata cerca di anota, pero cada biaha e bala a dal den e tubo di gol.
Pa colmo despues di e di 90 minuut Jamaica a haya un penalty, pero esaki a wordo anula pa VAR.
Jamaica por clasifica ainda, pero e mester haci esaki via playoffs di 6 ekipo, di cual 2 ta clasifica pa e Mundial na Merca-Mexico-Canada.
