Copa Don Elias Mansur lo cuminza Diahuebs otro siman

ORANJESTAD (AAN): Durante un conferencia di prensa convoca na RCA Arena na Solito, a duna informacion riba e di 24 edicion di Copa Don Elias Mansur.

   Den un sala yena cu prensa y representantenan di ekiponan participando, a tira lot pa Copa Don Elias Mansur 2025.

   E anochi a habri cu Veron Albertsz, Vice Presidente di RCA yamando bon bini na tur presente y dunando un splicacion di e formato y schedule. A continua cu Presidente di RCA, Jeanmarc Ras, kende a introduci e Headcoach nobo di Hoofdklas Tricolor, Erik "El Astro" Santos. Erik a duna un breve splicacion di su historia cu RCA, su meta pe campeonato nobo y futbol engeneral, tambe a desea tur ekipo tur clase di exito den Copa Don Elias Mansur.

   Dinamico secretaria di RCA, Tiana Leon a coordina e parti di tira lot y Presidente di RCA a cera e anochi gradici tur hende pa nan presencia. Fechanan Copa Don Elias Mansur 2025 lo cuminza dia 21 di Augustus, y ta sigui tambe riba dianan 22, 23, 24, 30 y 31 di Augustus.

   E poulenan a keda como lo siguiente:

A1 RCA

A2 Riverplate

A3 Sporting

B1 La Fama

B2 RCS

B3 Brazil jrs

C1 Dakota

C2 Estrella

C3 Master Boys

   Esaki ta nifica cu den poule A lo tin "Derby di Capital" RCA vs Riverplate. Poule B lo bira un bataya feroz entre tres ekipo di Pariba di Brug. Poule C lo tin un "Clash Clasico" entre Dakota y Estrella. Prijs pa entrada, e prome weekend, solamente 5 Florin y mucha te 12 aña ta paga 2 Florin. Riba un dia lo tin dos, te asta tres wega. E ambiente lo ta sublime cu MC y bon Musica. Saca bo jersey fo’i cashi y blok bo calendar pa e torneo di futbol cu mas ambiente na Aruba.