Copa Betico Croes 2022 a start sali cu dos tremendo partido

ORANJESTAD (AAN)- Diahuebs anochi e campeonato Copa Betico Croes 2022 a cuminza cu dos wega.

E wega cu a tuma lugar den Centro Deportivo Frans Figaroa tabata entre Caiquetio y Britannia caminda e team di Britannia a gana cu e score di 3 pa 1. Goleadornan pa Britannia ta Peter Susebeek, Roderick Lampe y Juel Balentien. Pa Caiquetio a score Emigene de Cuba.

  Den e otro partido cu a tuma lugar den Cento Dept. Guillermo Trinidad e teamnan Riverplate y La Fama a enfrenta otro. Den e partido aki e team di La Fama a gana tambe cu e score di 3 pa 1 contra Riverplate. Goleadornan ta Mario da Silva, Jason Carolina y Claudio Cavalcante  y Davidson Kaarsbaan.

Weganan a continua ayeranochi, ta sigui awenochi y mañan Diadomingo.