Monton di hende a bay cumpra cuminda crioyo
ORANJESTAD (AAN): E fin di siman cu a pasa, tabata uno di celebracion nacional, cu hopi hende subiendo caya enbusca di cuminda crioyo, y tambe mira weganan di Bolas Criollas, conoci como “Torneo Nacional Himno y Bandera Bolas Criollas”.
E lugar di ambiente, unda tabatin hopi tipo di cuminda na benta tambe, tabata Papaya Ranch. Y e competencianan tambe tabata candeloso.
DIARIO a logra haya e resultado di e competencianan tambe.
Den Categoria di “DAMAS”. E team campeon a bira Jo Bolas. E team sub-campeon a bira P.M.B.L.
Na di tres lugar tin e team di Sweet Devils, y na di cuatro lugar tin e team di Basora.
Den Categoria di “CABAYEROS”. E team campeon a bira Querendones. E team sub-campeon a bira Shotaz.
Na di tres lugar tin e team di Biba Dushi, y na di cuatro lugar tin e team di J.B. Stars.
Premio di Mihor arime Damas a bay pa Jeandella di Jo Bolas. Mihor boche Damas a bay pa Chanella di P.M.B.L.
Premio di Mihor arime cabayeros a bay pa Edmond di Shotaz. Mihor boche cabayeros a bay pa Waro di Querendones.
E organizadornan ta opina cu esaki tabata un exitoso Torneo Nacional Himno y Bandera Bolas Criollas. Pasobra nan a logra haya 18 team di damas y 20 team di cabayeros team cu durante 2 dia a bataya contra otro y na final di dia a conose e ganadornan den categoria di Damas y Caballeros.
Un danki na un y tur cu a haci e Torneo aki uno grandi y exitoso. Danki na cada miembro di Papaya Ranch y tur nan patrocinadornan.
https://diario.aw/categories/noticia/deporte/competencianan-candeloso-di-bolas-criollas-na-papaya-ranch#sigProId9c6e1355ba
