Competencia di Kickball pa genera fondo pa biaha bay Costa Rica

ORANJESTAD (AAN) – Robert Tromp, di e organizacion di Centro di Bario Noord, di e muchanan cu ta cuminza hunga bala den categoria 5 y 6 a duna informacion tocante e competencia di Kickball, cu a tuma lugar Diasabra cu a pasa.

E idea ta cu cada categoria ta haya e veld pa hunga y genera fondo y e team aki tabata tine e fin di siman cu a pasa, cuminzando Diabierna cu diferente wega di Kickball, softball, mainta e teamnan mes ta hunga. Diadomingo tabata tin final di Junior League cu ta muchanan di 13-14 aña y esun cu gana, practicamente ta bira campeon.

Tromp a duna di conoce cu nan ta bezig ta recaudando fondo pasobra nan ta planeando un biahe pa Costa Rica cu e muchanan. Diasabra a hunga polis vs brandweer, y ta bay tin alomenos dos wega mas.