Comite Olimpico Arubano ta yama bonbini na Tito de Cuba como tesorero

ORANJESTAD (AAN): Despues di a wordo eligi a base di “acclamation” durante e ultimo Asamblea General di Comite Olimpico Arubano (COA)

algun siman, Sr. Enrique “Tito” de Cuba a keda como e tesorero nobo y ta drenta directiva di e organisacion. Tito sigur ta un persona bon conoci den e mundo di maneho y deporte y lo aporta den diferente area di interes, manera e parti di maneho financiero y desaroyo general di deporte na Aruba.

Siman pasa diabierna a cuminsa e proceso di incorpora Tito den e operacionnan di COA, unda a sinta cu miembronan di Directiva y Directornan pa asina ricibi tur informacion y actualisacion importante di kico tur ta pasando. COA ta gradici Tito pa tuma e reto aki y e interes di kier traha na bienestar di deporte na Aruba.