Comite Olimpico Arubano a reuni cu federacionnan miembro den cuadro di plan strategico

Intercambiando ideanan pa futuro di deporte na Aruba

ORANJESTAD (AAN):  Diahuebs ultimo den sala di reunion na ATIA, Comite Olimpico Arubano a reuni cu gran mayoria di federacionnan miembro, unda a tene un dialogo sumamente interactivo.

            E topico di e reunion aki cu e nomber “ban topa”, tabata e plan strategico cu COA ta preparando pa e siguiente ciclo Olimpico, unda a elabora riba e plannan pa asina e federacionnan ta informa y alabes tin un oportunidad pa por aporta cu ideanan y haci preguntanan.

            A traves di e combersacion habri aki, a logra un intercambio amplio unda a ricibi hopi pregunta y mas importante un cantidad di ideanan interesante pa añadi na e plan strategico.

            Importante pa remarca ta e bon participacion di e federacionnan miembro ademas di vocifera hopi bon nan ideanan y preocupacionnan, pa asina hiba esakinan den e plan strategico cu COA ta preparando.