Club di Landamento Artistico Barracuda ta bria na Himno y Bandera 2026

Patrocina pa RBC

ORANJESTAD (AAN): RBC Royal Bank (Aruba) N.V. ("RBC") cu hopi orgullo a patrocina e evento Himno y Bandera 2026 di Barracuda Artistic Swimming Club, un celebracion spectacular di talento, dedicacion y orguyo nacional, teni riba diasabra, 22 di maart, na honor di Dia di Himno y Bandera Nacional di Aruba.

E evento a mustra e progreso remarcabel y e pasion di talento atletico local, presentando 14 rutina fascinante riba diferente nivel di abilidad. For di landadonan nobo te na e landadonan cu experencia, cada participante a mustra disciplina, unidad y amor pa e deporte cu ta defini landamento artistico. 

Momentonan Culminante di e Evento

E competencia di Himno y Bandera 2026 a inclui 2 solo pa principiante, 1 solo pa menor di 10 aña, 3 solo pa menor di 12 aña, 4 solo hubenil, 1 rutina di ekipo pa menor di 12 aña, y 3 rutina di ekipo senior incluyendo categoria tecnico, acrobatico y liber.

"Nos a testigua algo berdaderamente special,” Pierre Rafini a bisa, Vice President, Commercial Banking, Dutch Caribbean y Country Manager, Aruba. “Cada atleta a trece pasion y briyo na nan ehecucion artistico. E espirito di Aruba a wordo refleha den e unidad, disciplina y dedicacion cu a wordo mustra durante henter e evento. Esaki ta exactamente e tipo di excelencia cu nos ta orguyoso di sostene na RBC.” 

Compromiso cu comunidad y desaroyo di hobenan

E patrocinio di RBC pa e Barracuda Artistic Swimming Club ta refleha e compromiso continuo di e banco cu desaroyo di hobennan y participacion den comunidad na Aruba. Mientras e ekipo ta prepara pa e weganan na America Central y Caribe (CAC) di 2026, RBC ta sigui promove e balornan cu deporte ta siña e hobennan atleta.

“Na RBC, nos ta kere cu deporte ta hunga un rol vital den forma e mente y caracter di nos lidernan di futuro,” Rafini a enfatisa. “Eventonan manera Himno y Bandera ta mustra no solamente habilidat atletico, sino tambe trabou den ekipo, perseverancia y compromiso cu ta esencial pa exito den tur area di bida.”

Landamento artistico ta un deporte hibrido exigente cu ta combina landamento, baile y gimnasia, y ta exigi pa atletanan train seis dia pa siman. E dedicacion demostra pa e landadonan di Barracuda ta incorpora e cualidadnan cu RBC ta balora y ta busca pa cultiva den comunidad. 

Mirando pa futuro

Mientras e Barracuda Artistic Swimming Club ta sigui haci impacto den comunidad di landamento artistico, RBC ta keda compromete pa sigui brinda nan sosten. E banco ta felicita tur e landadonan, entrenadornan, mayornan y sostenedornan cu a haci Himno y Bandera 2026 un celebracion memorabel di talento y excelencia Arubiano.