Caredanan ta priminti di lo bira fenomenal

SPEEDWORLD

 Amigonan amantenan di e flamante deporte di Motorsport, un cordial bon bini na boso pagina di motorsport.

   Awe SpeedWorld kier dedica e pagina aki na e deporte di Drag Racing, ya cu e fin di siman aki lo bay tin oportunidad pa goza di poco adrenalina ariba International raceway park Palo Marga, ya cu despues di basta tempo sin cu tabata por organiza careda pa esnan cu auto y brommer nan fast.

   E fin di siman aki, pues awe Diabierna y mañan Diasabra, lo bay tin careda atrobe. SpeedWorld ta spera cu esnan cu tabatin basta rato ta spera ariba esaki, no a laga e vehiculo para den garashi, sin haci nada ariba dje, ya cu semper nos a vocifera, cu miho traha tanten cu por, pa ora cu e momento yega, no bin bisa, cu bo no por, paso bo no a keda cla.

   Anyhow mensen, drive safe y duna e publico un bunita show, pa loke nan a paga pa bin wak. Te cu otro siman, cu poder di Dios y corda si, ariba caya ta pa trip y ariba pista ta pusha trot all out.